CEIPCORON

Make a Smilebox scrapbook

Neste curso 2007-2008 que está a piques de rematar a cegoña visitou en dúas ocasións o noso centro. No mes de abril naceu no Hospital do Salnés a pequena MARIÑA filla da mestra María de 3º. E o pasado martes no Hospital de Pontevedra viu por primeira vez a luz CLARA filla da mestra María de 5º. Os nosos parabéns os orgullosos papás.

O venres día 20 de xuño, faremos un Festival para celebrar o fin de curso na Casa da Cultura do Esteiro, a partir das 11 da mañá.
Contamos ca súa presenza.
Grazas e ata setembro.
ENTREGA DE NOTAS:
O luns día 23 ás 11 da mañá na aula do seu fillo/a.
As profesoras de Educación Infantil tamén estarán ás 11 da mañá nas aulas para recibir aos pais do alumnado.

A derradeira excursión (para os nenos e nenas de Educación Infantil, 1º e 2º de Primaria) deste curso que remata, foi a Santiago, á Biblioteca Caixagalicia. A experiencia foi moi boa e esperamos que estas visitas fomenten o gusto pola lectura.

Make a Smilebox slideshow

O LUNS 9 DE XUÑO OS NENOS E NENAS DE EDUCACIÓN INFANTIL E OS DE 1º E 2º DE PRIMARIA COLLEMOS O AUTOBÚS PARA IR Ó GROVE, Ó CAMPING "FIEITÁS". FACÍA UN DÍA ESTUPENDO E PASÁMOLO MOI BEN.

Make a Smilebox scrapbook

NOTA;Para ver as fotos máis grandes hai que facer clic en "ZOOM IN". Despois para pasar de páxina , primeiro hai que facer clic en "ZOOM OUT" E CLICAR NA FRECHA.

Despois de que as nosas sementes crecesen nas aulas, o mércores 4 de xuño fomos o horto para trasplantalas. Con moito coidado puxemos as plantiñas na terra. Antes arrincamos as malas herbas e despois de plantalas regamolas. E agora toca esperar para ver como medran e botarlles auga, tarefa que fan os de 6º.

NOTA INFORMATIVA PARA O PROFE ROMERO

OS TEUS ALUMNOS/AS E OS TEUS COMPAÑEIROS E COMPAÑEIRAS QUEREMOS VERTE MOI PRONTO POR AQUÍ.
C.E.I.P. DE SAN ROQUE

Por fin puidemos realizar a excursión que tiñamos proxectada dende que comezamos a unidade da "primavera". Pero esta primavera veu con moita auga e non puidemos saír.
Ben, o pasado 27 de maio veu o autobús a buscarnos e fomos ao viveiro " O Barreiro" na parroquia de Lois (Ribadumia). Alí déronnos moitas explicacións sobre as plantas con flor, sen flor, carnívoras, árbores froiteiras, de sombra... Que grande é aquilo!. E que bonita é a flor que nos regalaron! . Temos que coidala para que medre e teña moitas flores.
Despois fomos a merendar á carballeira de Ribadumia e alí ao lado visitamos os muíños de Batán.

Como xa sabedes no cole estamos a cultivar un pequeno horto de plantas aromáticas. Á clase de 3 e 4 anos tocounos sementar "HIERBABUENA".Nas clases aprendemos que as plantas necesitan: terra, auga e sol para crecer.Un día a mestra trouxonos un sementeiro pequeno, a semente e terra e nós preparamos todo. Botamos terra no sementeiro, a mestra axudounos a botar a semente porque era moi pequeniña, regamos e puxemos o viveiro ó lado da ventá.Fomos regando e pouco a pouco vimos como da terra nacían unhas plantas pequeniñas. Agora xa están un pouco máis altas e pronto iremos ó horto a trasplantalas.